په ترکیه کې د افغانستان د خبرو پلاوی له پاکستان سره مذاکراتو ته پوره هیله‌من دی

باوري سرچینو څرګنده کړې، چې د افغانستان د خبرو پلاوي له پاکستان سره په ترکیه کې مذاکراتو ته پوره هیله‌من دی او ډاډمن دی، چې یوه پایله به ولري.
د سرچینو د څرګندونو له مخې : «اختلافي موارد ډېر کم دي او حل ته یې هیله مندي شته؛ افغان لوري دا څرګنده کړې، چې تشنج د هیڅ لوري پر ګټه ندی او په دې اړه د منځګړو قوي تائید هم موجود دی».
دا په داسې حال کې ده، چې له تېرو دوه ورځو راپدېخوا د ترکیې په استانبول کې د افغانستان او پاکستان تر منځ د خبرو دوه‌یم پړاو روان دی او دواړو لوریو یو بل ته د خبرو د پایلو په اړه وروستۍ شوې مسودې وړاندې کړې دي.